ПМГ-Колектив

Земја: Ирска
Жанр: чиста магија
Линк: facebook.com

ПМГ-КОЛЕКТИВ

ЗЕМЈА:

Македонија

ЖАНР:

Електронска денс-музика

ПМГ-Колектив е еден од највредните бендови на нашата сцена, кој ако добро броиме – моментално работи на 9-тиот по ред албум, а зад себе има околу 30 изданија. Еден од ретките бендови кај нас што може да има сет од еден час со мегахитови – килери, не филери… Токму такво нешто најавуваат ПМГ-Колектив на својот прв настап на ЗДРАВО МЛАДИ!

Ги следиме од самите почетоци. Бевме сведоци на нивниот прв настап на една од Таксират вечерите во МКЦ во 2005 година. Преполн Б2 на промоцијата на првиот, култен „Резонатор“, па промоции во Кастро, клупски концерти, па сѐ до големите сцени на сите етаблирани македонски фестивали… Го гледавме бендот како минува низ своите различни фази и постави, како расте и зрее, и сметаме дека оваа постава – триото Попов, Ефтимов, Гавровски – е тоа што всушност е сржта на ПМГ-Колектив. Едноставно, искрено и чисто, со огромна возбуда и нетрпение го очекуваме ова нераздвојно трио, да засвири на 27 август во Паркот МКЦ на јубилејното десетто издание на фестивалот. Ќе претстават дел од новиот материјал, но ќе нѐ почастат и со безвременските хитови – Скопјанка, Манекенки, 80ти/90ти, Ти си мојот свет, Контрол…